Finding Carrot Man 1 - You're My Shining Star - FCS00003

“I’ll show you how much you mean to me, until you never have to doubt how much you own every part of me.” Para kay Sunny Angeles, itinadhana sila ni Carrot Man sa isa’t isa. Nang unang beses silang nagkita, ito ang nag-iisang nagbigay ng star sa kanya sa isang photo competition. Sumunod naman niyang nakita si Carrot Man nang minsang nagbubuhat ito ng gulay sa Mountain Province pero nagkasya na lang siyang kuhanan ito ng picture. Hindi niya inaasahan na kakalat sa Internet ang kuha niyang picture. At ang masaklap, hindi na niya solo si Carrot Man dahil pinag-aagawan ito ng iba’t ibang babae. Hanggang matunton ni Sunny ang lalaki sa bulubunduking Sagada. Ang masaklap lang, idine-deny ni Carrot Man na ito ang hot na tagabuhat ng mga carrot na kinuhanan niya. Pero sinasabi naman ng kanyang puso na ito ang Carrot Man niya. No retreat, no surrender si Sunny dahil kahit anong deny ng lalaki na ito si Carrot Man ay hindi naman ito puwedeng mag-deny na gusto nito ang halik niya. Pero paano kung namali pala siya ng Carrot Man?