A Second Chance At Love - PHR06181

“May mga damdaming hindi na kailangang isipin dahil nararamdaman na. Gaya ng pag-ibig ko sa `yo.” Malaki ang paniniwala ni Kris na magkakatuluyan sila ng best friend niyang si Drew. Pero hindi naniniwala roon ang kaibigan niyang si Mizzie. Kaya nang magkaroon sila ng biglaang reunion ay hinamon siya ng kaibigan: “For once, pagbigyan natin `yang kahibangan mo. Patunayan natin kung may nararamdaman din si Drew sa `yo.” “Paano?” “Make him think that you are no longer available. Dapat may boyfriend ka. Kunwariang boyfriend.” Then Elvis Buenaflor came into the picture. Ito ang feature writer na nagbigay ng bad review sa online story na isinulat ni Kris. Nagkaroon ang lalaki ng libo-libong bashers at malamang na mawalan pa ng trabaho. He badly needed Kris’ help to pacify her readers. Agad-agad, may pretend boyfriend na si Kris. Pero hindi nangyari ang inaasahan nila. Nag-propose si Drew sa ibang babae; lumaki naman ang isyu sa pagitan nila ni Elvis. At bigla-bigla, natagpuan ni Kris ang sarili na dumedepende kay Elvis. Bakit parang sa isang iglap ay naging magulo ang buhay niya?