18RG00007 - 18 Roses Series 7: Krisma, The Campus Queen

“Gusto ko kapag sinabi ko ito sa iyo, iyong may maipagmamalaki na ako sa iyo. I don’t know if I still have to tell you this. But unspoken words are burdens in one’s heart. So I have to tell you this, Krisma. I LOVE YOU.” Krisma Marie Leviste—nasa kanya na ang lahat: beauty, brains and money. Kaya naman mahaba ang listahan niya ng qualifications ng gusto niyang maging first boyfriend. He must be a somebody, iyong tipong kaiinggitan siya ng ibang babae kapag kasama niya ang kanyang boyfriend. Pero hindi ganoon si Francisco Trajano III, ang lalaking pumukaw sa interes niya at nagpabilis ng kanyang heartbeat. Alam niyang katakot-takot na kantiyaw ang aabutin mula sa mga kabarkada kapag si Frankie ang naging first boyfriend niya. Pero sa kabila ng mga protesta, ito pa rin ang kinuha niyang escort sa kanyang debut. Pero kailangan niyang iwasan ang jologs na binata bago pa mahulog nang husto ang loob niya rito. At para lang itaboy ang damdamin niya kay Frankie ay kinailangan pa niyang saktan ang damdamin nito. Bagay na pagsisisihan pala niya…