BLSG00016 - Blush Series 16: My Pal, Andoy

“Sa pag-ibig, minsan, mas mabuti pang umasa sa wala at magpakahibang kaysa aminin ang kabobohan, `di ba?” Para kay Pilita, gayuma ang gamot sa kanyang broken heart. Kaya kesehodang iuntog siya sa pader, pagtawanan at laitin ng kaibigang si Andoy, hindi siya mapipigilan nito sa pagpunta kay Ka Mimo para magpareseta ng gayuma. Kailangan daw niya ng itim na manok kaya agad siyang naghanap niyon sa Internet, sa palengke at kung saan-saan. Sa kakahanap, hindi sinasadyang natuklasan niya na naghahanap din ng itim na manok si Andoy. At nawawala ang isang litrato niya. Napaisip si Pilita. Ginagayuma rin kaya siya ni Andoy?