PHR06247 - The Man Of My Dreams

“Look all you want. I don’t really mind. I like you looking at me.” Ready nang magmahal uli si Aleli pagkatapos maka-move on sa isang masakit na pangyayari sa kanyang nakaraan. Pero parang nagbibiro ang tadhana dahil wala ni isang nanliligaw sa kanya. Palagi ring kinukulit si Aleli ng mga magulang na maghanap na siya ng mapapangasawa dahil mahuhuli na raw siya sa biyahe. Ang sabi pa ng nanay niya, daig pa raw siya ng kumare nito na nakapangasawa ng foreigner na naka-chat sa Facebook. “May Facebook ka naman, anak. Bakit hindi ka nakakahanap?” Mukhang nadala ni Aleli hanggang sa pagtulog ang pangungulit ng mga magulang dahil madalas niyang mapanaginipan ang isang lalaki. Lester ang pangalan nito. Iba-iba ang eksena sa panaginip niya: minsan mag-boyfriend sila, minsan naman mayroon silang anak na babae. Mahal na mahal daw siya ng lalaki. Iisang Lester lang naman ang kilala niya—ang kuya ng dating kaklase na si Liam. Sa tulong ng Facebook, nahanap at nakausap ni Aleli si Liam. Muli silang nagkita. At nang malamang pupunta sa bayan nila si Lester ay na-excite siya. Magkikita sila ng lalaki sa panaginip! Umasa si Aleli na ito na ang lalaking nakatadhana para sa kanya. Pero bakit kay Liam niya nararamdaman ang saya na nararamdaman sa panaginip niya? Bakit may binubuhay na kakaibang mga emosyon si Liam sa kanya na kay Lester sana niya dapat nararamdaman?