Capogian Grande Series 5 - Bewitching Neil - CPS00005
About This Book
“I should be the one holding your hand but it feels nice that you’re the one holding mine...”
Masasabing pinaka-mortal enemy ni Alexandra Forest Yuhico si Nicario “Neil” Leon Aragon. Simula pa yata nang matuto silang magsalita at maglakad ay hindi na sila magkasundo. Asaran dito, trip-trip doon. Ganyan umikot ang kanilang buhay kahit matalik na magkakaibigan ang mga magulang nila.
Kaya nang sabihin ng mga magulang nila na ipinagkasundo sila na ipakasal sa isa’t isa, kasintigas ng diamond ang pagtanggi ni Forest. Pero ang hindi niya inaasahan, ang unggoy na si Neil, walang kahirap-hirap na sumagot ng “oo.”
Hindi tuloy maiwasang magtaka ni Forest. Isang parte niya ang nagsasabi na baka sumang-ayon lang ang lalaki dahil hindi makatanggi sa mga magulang nila. Pero malaking parte ng pagkatao niya ang nagsasabi na kaya lang pumayag si Neil ay dahil gusto nitong makaganti sa kanya. Kaya nang malaman ni Forest ang totoong dahilan ni Neil, nawindang yata ang brain cells niya at biglang nag-alsa balutan dahil sa hindi inaasahang confession ng lalaki.
Handa na sana si Forest. Tatanggapin na niya. Pero may kapalit pala iyon na higit na nagpawindang sa nagulo niyang utak. At nagpasakit sa kanyang puso nang sobra-sobra.