Change of Blood - PHRGR090

“You’re afraid of me, Jinny. But why? Mukha ba `kong nangangagat?” Naniniwala si Jinny na mga bampira ang pumatay sa kanyang mga magulang at dumukot sa kuya niya. Maraming parte ng childhood memory niya ang nawawala pero ang bite mark sa kanyang leeg ang patunay na may bampirang umatake sa kanya noong bata pa siya. Kaya nang magkaroon ng sunod-sunod na kidnapping cases sa academy nila, alam agad ni Jinny na mga bampira ang nasa likod niyon. Dahil sa pag-iimbestiga, nalaman niya na bukod sa kanya ay may isa pang target ang mga kidnapper—si Lucho, ang guwapo pero misteryoso niyang classmate. Thanks to her “gift,” Jinny could easily tell that he wasn’t an ordinary mortal. Napatunayan niyang tama siya dahil nang gabing umatake ang mga bampira ay dumating si Lucho at iniligtas siya. Nalaman niyang isa itong Bloodkeeper o nilalang na kalahating mortal-kalahating bampira. Bilang proteksyon niya, nag-volunteer ang lalaki na maging bodyguard niya. Ibinaba rin nito ang depensa at pumayag na mapalapit siya rito. Jinny wanted to return his kindness, really. Pero nang malaman kung sino ang kalaban ni Lucho, na-realize niyang kailangan niya itong traidurin kahit pa ikamatay niya.