Writers' Block 8; She's Dating The (Writer) Poser - WBS00008
About This Book
“Natututo ka lang talagang maging romantic `pag mahal mo ang isang tao.”
Si Kismet na siguro ang babaeng walang karoma-romansa sa katawan. Anything associated with the word ‘romance’ gives her the creeps. Kaya hindi na nakapagtatakang sa edad na beinte-singko ay wala pa siyang boyfriend. Hanggang sa isang araw, pinilit siya ng kaibigan na mag-proxy sa isang date na napanalunan nito. Isang date na kasama ang sikat na romance writer—si Constantine. Ang buong akala niya ay bading ito, kaya nagulat siya nang makilala sa personal ang guwapo at machong romance writer na Devlin pala ang totoong pangalan. Bumangon ang interes ni Kismet, lalo pa nang yayain siya ng lalaki na mag-date sila para matuto siyang makaramdam ng romance.
Dahil sa mga pagpaparamdam ni Devlin ng romance, hindi lang kilig ang bumangon sa malamig na katawang lupa ni Kismet kundi pati na rin pagnanasa. Hanggang sa malaman niyang isang malaking kasinungalingan lang pala ang lahat. Ginamit lang siya ni Devlin at wala siyang kaalam-alam.