Hot Intruder: Rush, The Gentle Soul - PHR06321

“Hawak ka lang nang mahigpit sa akin. Hindi kita bibitawan saan man tayo umabot…” Nag-iisang anak na babae si Ariah Mahinhinon at pasaway ang dalawang kapatid niyang lalaki. Siya ang sumusuporta sa lahat ng kailangan ng pamilya. Matanda na ang kanyang mga magulang. Kaya kung totoo ang sumpa na mamamatay ang mga Mahinhinon na virgin, paano na ang mga magulang niya. Magiging kawawa kung maiiwan sa mga kapatid niyang basagulero. Kaya naghanap si Ariah ng lalaki para hindi magkatotoo sa kanya ang sumpa—kahit isang gabi lang. Pero hindi one-night sex ang ibinigay sa kanya ni Floro kundi respeto at pagmamahal. Mabilis na nahulog ang loob niya sa lalaki. Pero iniwan din agad siya ng asawa. Iniwan siyang virgin! Hindi akalain ni Ariah na bago pa man mamatay si Floro, may mga plano na ito. Plano para sa kanila ng trusted man nito—si Rush, ang lalaking sa unang tingin ay malupit at walang emosyon. May tattoo pang dragon sa buong braso! Pero sa kung anong dahilan, may hatak kay Ariah ang itim na itim na mga mata ni Rush. Mga matang parang napakaraming itinatago. Mga matang gusto na niyang tinititigan. Ramdam niyang nag-iiba na ang tibok ng kanyang puso. Unti-unti na siyang nahuhulog kay Rush. Saluhin naman kaya nito pagkahulog niya?