Fallen From Grace

“Love is immune to time. Hindi gaanong mahalaga kung gaano katagal o kung gaano kabilis `yong ma-develop.” Mula sa pagiging simpleng babaeng taga-barrio, biglang nagbago ang buhay ni Mary Grace nang matuklasan niyang siya ang nag-iisang tagapagmana ng isa sa pinakamalaking business empire sa bansa. Hindi lang ang kanyang lola na si Donya Gloria Valdez ang nakilala ni Mary Grace kundi maging ang tatlong lalaking pinalaki at binihisan ng matanda. Sina Gardo, Gabby, at Greg. Tatlong magkakapatid na pare-parehong guwapo at ibinigay ang lahat ng kakayahan sa paglago ng Valdez Empire, pero may iba-ibang ugali at personalidad. Walang kamalay-malay si Mary Grace na inagawan niya ang tatlong lalaki ng karapatan sa business empire. Wala rin siyang kamalay-malay na may motibo ang tatlo sa pakikipaglapit sa kanya. Pero isa sa tatlong lalaki ang tunay na magmamahal sa kanya…