Along Came A Hot Stranger - PHR06322

“Hindi ko kailangan pa ng gayuma para makuha ka. Remember, I had you at hello? Or in our case, it was ‘hi’. I had you at ‘hi.’” Allergic sa lalaki si Angeline. May dalawa siyang lehitimong dahilan: ang papa niya na basta na lang silang iniwan at ang lalaking nakabuntis sa ate niya pero hindi ito pinanindigan. Pero nakilala ni Angeline si Adrian Guevarra at nabale-wala ang mga dahilang iyon. She was instantly attracted to him. Hindi nakatulong na naging boss niya si Adrian at naging assistant siya nito. Naging ka-close pa ito ng pamangkin niyang si Penny na ang sabi, ang sitwasyon daw nila ni Adrian ay isa raw sa usual plotlines sa mga romance novel. Isang assistant at isang boss na may matinding chemistry pero ire-resist ang isa’t isa sa una at sa huli ay magkaka-in love-an din daw pala. Ganoon nga ang nangyari. Sandali lang silang nakapag-resist ni Adrian. Hindi nagtagal, nagde-date na sila. Pero isang araw, natuklasan ni Angeline na dati na pala siyang kilala ni Adrian at may malaking lihim ito na itinatago sa kanya.