Charming Kiel

“Mahirap magmahal ng isang tao na hindi mo masabing mahal mo siya. At mas mahirap na makita mo ang taong iyon na nagmamahal ng iba.” Iniiwasan ng lahat ng tao si Karin dahil sa mga paratang na lahi raw sila ng mangkukulam at aswang. Pero nagbago ang lahat nang makilala niya si Kiel. Ito ang kauna-unahang lalaking nagpakita ng interes at tapang na kilalanin siya. At lalo pang humanga si Karin nang tulungan siya nitong matupad ang pangarap na maging isang kilalang singer at malinis ang pangalan ng kanyang pamilya. They eventually became instant celebrities dahil sa isang romantic na video nila sa YouTube. Akala ni Karin ay matatakasan na niya ang “sumpa” ng kanyang nakaraan, lalo na nang malamang pareho sila ng nararamdaman ni Kiel. Pero kahit ano ang gawin niya, bumabalik pa rin ang multo ng nakaraan na nagpapatunay na hindi niya puwedeng iugnay ang sarili kanino man dahil madadamay lang ito sa kamalasang nakakapit na sa kanya.