Forever and Never - RF00042

“Salamat sa lahat. Sa pagtitiwala sa akin na kaya kong maging someone pagdating sa music industry. Salamat sa pagiging main support system ko since day one.” Hi! Ako si Eve, certified music lover. Ultimate dream ko ang maging isang sikat na singer. Kaya lang, medyo kontrabida sa pangarap kong iyon sina Mommy at Kuya. Kung gaano ko ka-love ang music, hate na hate naman nila iyon. Dala ng frustration, nakahiligan kong mag-post ng mga song covers ko sa isang site, ang Soundcloud. And in that site, I go by the name “xgirl.” Walang nakakaalam na sa akin ang boses na nagugustuhan ng mga listeners doon puwera sa best friend ko. Masayang-masaya ako kapag nakakabasa ng mga positive feedbacks, lalo na kapag ang comment ay galing kay Neil Rayver, best friend ni Kuya at ultimate crush ko. Pero isang araw, na-shookt na lang ako nang malaman kong gustong malaman ni Neil Rayver kung sino talaga si xgirl. Oh, no! Hindi niya puwedeng malaman na ako at si xgirl ay iisa!