The Wishful Thinker - LIB00497

“May mga bagay na hindi natin inaasahan… Pero may mga bagay rin na `di dapat natin inaasahan.” Laubree didn’t expect na lubos niyang makikilala si Aki—ang lalaking sobra niyang kinaiinisan dahil sa taglay na kayabangan. Pero kahit na parang magkaka-World War III na sa pagitan nilang dalawa tuwing magkasama sila, hindi niya inakalang ito pa mismo ang taong tutulong para makapag-move on siya sa kanyang first heartbreak. At habang tumatagal, kahit ayaw mang aminin ni Laubree, she knew that Aki already had a special space in her heart. Marami siyang bagay na hindi niya inakalang mangyayari sa kanya—mga bagay na hindi niya inaasahang mararanasan niya sa love. Pero ang pinakamasakit na yata sa pagiging in love ay ang umasa sa taong akala mo, mahal ka. Iyong inakala mong may special meaning para sa kanya ang magagandang bagay na ginawa niya para sa iyo. Iyon pala, ikaw lang ang nag-assume, ikaw lang ang nag-expect. Kaya ang ending, ikaw ang nasaktan. Kung puwede lang sanang ibalik ang nakaraan, hindi na sana hinayaan ni Laubree na tuluyang makapasok sa buhay niya si Aki. Simula nang gabing walang paalam na pumasok ito sa kuwarto niya, hindi na naging normal ang takbo ng kanyang buhay. At ang inaakala niyang happy ending, wishful thinking lang pala.