Poser - LIB00496 (New Edition)
About This Book
"May sarili kang mukha, hindi mo na kailangang gumamit pa ng mukha ng iba. Ang poser kapag hiningan mo ng fansign, ang sagot laging 'next time."'
Libangan lang para sa isang normal na estudyante na si Jammy Ocampo ang pag-i-internet. Pero nang gumawa siya ng account gamit ang pagkatao ng best friend na si Angel Gonzales, naging mas exciting para sa kanya ang online world. Wala siyang masamang intensiyon nang gawin ang account. Ang gusto lang niya ay maging updated ang mga fans ni Angel. Hindi rin naman lingid sa kaibigan—na papasikat pa lang na artista—ang public account na ginawa niya.
Sa pagdaan nang mga buwan gamit ang account na iyon ay hindi naiwasan ni Jammy na makakasalamuha ang iba't ibang uri ng tao. Isa na doon si Brix Torres, masugid na tagahanga ni Angel. Regular ito kung mag-message, mas madalas pa kompara sa mga babaeng fans. Hindi niya ito pinapansin dahil wala naman itong ginawa kundi bumati. Hanggang isang gabi, nag-iwan ito ng linya na nagdulot ng kakaibang kilig sa kanyang sistema.
Pero paano siya magpapakilala kay Brix? Paano niya ipapaliwanag dito na iba ang pagkatao niya at kaibigan lang siya ni Angel? Kakausapin pa kaya siya nito kapag nalaman ng lalaki kung sino siya? Paano kung hindi magustuhan ni Brix ang dahilan niya at tawagin siyang POSERA?