A Writer’s Misprint - PPS00132

“Hinding-hindi kita isusuko… Hahamakin ko lahat hanggang sa ang tadhana na mismo ang mapagod at hayaan tayong magsama.” Nagka-writer’s block si Jia. Ang hirap kasi ng plot na nakatoka sa kanya—tungkol sa time travel. Paano niya bibigyan ng hustisya ang kanyang magiging hero sa romance novel na isinusulat kung wala siyang kaide-ideya sa hitsura at OOTD ng mga lalaking nabuhay so many decades ago? Umaatikabong research ang kailangan niya. `Buti na lang, inalok siya ng kanilang editor in chief na magbakasyon sa ancestral house ng mga ito sa Quezon. Sigurado raw na mai-inspire siya. Kaya naman pala, ang destinasyon niya ay isang lumang mansiyon na inagiw na ng panahon. Pero hindi lang agiw ang natagpuan ni Jia sa lumang mansiyon kundi pati lumang portrait ng isang lalaki. Si Don Lucas del Castillo raw ang nasa portrait, ang orihinal na may-ari ng lumang mansiyon. Kung umibig daw ito, wagas. Imagine, nag-suicide daw nang dahil lang sa isang babae. And so, Jia made a promise. Gagawin niyang hero ang lalaki at bibigyan ng bagong pag-ibig. Pero habang isinusulat ang kuwento ni Don Lucas, may nagawa siyang mali. Ang pangalan niya ang kanyang nailagay sa pangalan ng heroine! Dahil doon, bigla na lang siyang nakaramdam ng pagkahilo. At natagpuan na lang niya ang sariling nag-gate-crash sa ibang panahon! Maire-revise pa ba niya ang lahat?