Elsa's Resisting Heart - PHR06323
About This Book
“Hindi dahil mahal mo ako at mahal kita, dapat may relasyon tayong dalawa.”
Dahil sa request ng ate ni Elsa ay napalapit siya kay Cole San Gabriel. Ito ang nag-iisang lalaking gusto ng kanyang kapatid. Hindi kayang tanggihan ni Elsa ang ate niya kaya palagi niyang ginugulo ang love life ni Cole.
Nasa abroad ang ate niya, nagsasakripisyo para sa kanilang pamilya. At ang request lang nito sa kanya ay ang panatilihing single si Cole hanggang sa makabalik ito sa bansa. Ginawa iyon ni Elsa kahit labag sa kanyang kalooban, hindi kasi niya kasundo si Cole.
Pero dumating sa puntong kinompronta siya ni Cole na kaya niya ginagawa iyon ay dahil may gusto raw siya rito. Todo-deny si Elsa. Sinundan pa iyon ni Cole ng pagko-confess sa kanya: mahal daw siya nito! Noon na umiwas si Elsa kay Cole.
Papalpak pa yata siya sa kanyang misyon. May isang tao kasing nagmamahal kay Cole na hindi niya kayang bugawin palayo para sa ate niya: Siya.