Guevarra Hunks series 4: Mike Guadalupe

Umuwi si Frida sa kanilang bayan sa Guevarra para guluhin ang buhay ng ex-boyfriend niyang si Michael “Mike” Guadalupe. Para sa kanya, hindi siya makaka-move on hangga’t hindi naipatitikim ang sakit na ibinigay nito sa kanya ten years ago. Ginawa niya ang lahat at inakit si Mike para maagaw ito mula sa kasalukuyang girlfriend na si Angelica. Naging mailap noong una ang lalaki. Pero hindi siya sumuko. Hanggang unti-unti, bumigay din si Mike at nahulog sa bitag niya. Pero nang magtagal, na-realize ni Frida na mahal pa rin pala niya si Mike. At dahan-dahang nasira ang kanyang depensa at biglang nanlambot. Hanggang sa natagpuan na lang niya ang sarili na hindi na itinutuloy ang misyon. At nang handa na siyang magsimula uli sa piling ni Mike, natuklasan niya ang masakit na katotohanan: alam pala ng lalaki ang plano niya at sinasakyan lang pala siya nito. Mike broke her again. But this time, Frida made a promise to herself—she would never, ever let him hurt her again.