InstaGroom Batch 2 Book 2: Kraven
About This Book
“Sabi nila, you only fall in love once. Hindi totoo `yon. Because every time I see you, I fall in love all over again.”
Mula nang dumating si Kraven sa buhay ni Xy, sinuwerte na siya sa pagnenegosyo kaya itinuturing niyang lucky charm ang lalaki. Dalawang taon na silang housemates at so far, so good naman ang samahan nila.
Mawiwindang siguro siya kapag umalis sa bahay at buhay niya si Kraven, kahit wala naman silang relasyon besides being friends.
And then Kraven met a pretty girl... at nagulo ang payapang kalooban ni Xy. Nagpapaalam na si Kraven. Ang mas masaklap, hindi lang sa bahay niya gustong umalis ng lalaki kundi pati sa buhay niya.
Kaya bigla rin niyang sinabi, “No! Hindi ako papayag! Kahit pikutin kita, gagawin ko huwag mo lang akong iwan.”
Na tinawanan lang ni Kraven.
Pero seryoso si Xyza. She was really ready to do anything huwag lang mag-disappear sa buhay niya si Kraven. Kahit hindi pa niya naaamin sa sarili kung bakit...