PHR01934 - si Ma’am at si Mr. Heartthrob

“Sabihin mo lang na payag ka nang maging bahagi ng buhay ko. And I swear to God na hinding-hindi na ako gagawa ng anumang makakasakit sa damdamin mo.” Nagsanib-puwersa ang mga tao sa paligid ni Betty upang masigurong hindi siya mauuwi sa pagiging matandang dalaga. Sampung taon na kasi siya sa kanyang propesyon bilang guro ngunit wala pa ring nakikita ang mga itong positibong makakatuluyan niya. Ayaw pumayag ng mga ito na masayang ang kanyang ganda at talino. Ipinagkibit-balikat lang niya iyon. Eh, ano naman ang magagawa niya kung wala talaga siyang nagustuhan sa mga nanligaw sa kanya na lahat ay nagsipag-asawa na? Mawawalan na sana talaga ng pag-asa ang mga tao sa paligid niya nang dumating ang bagong school director ng kanilang eskuwelahan—si Marc Christian Sebastian, ang lalaking inibig niya fifteen years ago at siya ring naging dahilan upang hindi na siya umibig pang muli. At sa kanilang muling pagtatagpo, madidiskubre niyang may natitira pa pala siyang pagmamahal sa lalaki.