Pangako, Ikaw Lang Ang Iibigin Ko

“One day, hindi ka na magdududa sa pag-ibig ko. Pangako `yan.” Nananahimik sa San Carmel si Crystal nang bulabugin ang kanyang mundo ni Zach, isang sikat at guwapong artista na takot umakyat sa puno. Ngunit para lang mapansin ni Crystal si Zach at umano ay mapatunayan ang pagmamahal sa kanya, lakas-loob na umakyat si Zach sa paboritong punong-mangga ng dalaga. Only to end up looking like an idiot dahil tila ito tukong nakakapit sa isang malaking sanga. Crystal was flattered. Subalit nag-aalinlangan ang kanyang puso. Dahil sino ba namang matinong lalaki, lalo’t isang artista, ang mai-in love sa isang promding bulol na kagaya niya? Pero makulit si Zach.Ang pag-ibig daw nito ang makakagamot kay Crystal. At tila mabisa naman itong gamot sa pagkabulol niya. Tumutuwid ang kanyang dila kapag ito ang nakakaharap. Hindi niya tuloy napaglabanan ang charms nito. Napa-“oo” rin siya nito. Ngunit ngayong natapos na ang bakasyon nito, itutuloy ba o wakas na ang relasyon nila?