The Missing Campus Queen

Si Nathalie Sophie Clarkson ang tinaguriang “Warshock Queen” ng Adamson National High School. Walang nagkakamaling kumanti sa kanya. Pero dahil sa mga kabulastugan na ginawa niya ay pinatalsik siya sa eskuwelahan nila. Napilitan tuloy siyang mag-transfer sa Sandford Academy. Ang Sanford Academy ay eskuwelahan para sa mayayaman. Malinis, maganda at tahimik—mga katangian na wala sa Adamson National High School. Pero ang eskuwelahan pala na iyon ay punong-punong misteryo. Maraming estudyante pa ang nagsasabi na kamukha niya si “Queen,”ang namatay na Campus Queen ng Sandford Academy. At hindi alam ni Nathalie na sa paglipat pala niya sa eskuwelahan na iyon ay malaki ang pagbabagong mangyayari sa buhay niya…