Ang Pilyo Kong Gitarista

“Naniniwala na nga ako na gusto mo na ako. Nagseselos ka, eh!” Clarie promised herself and her family na magiging priority muna ang kanyang pag-aaral. Pero nakilala niya si Raymond, ang ultimate crush ng bayan sa kanilang lugar. Kinilig pa siya nang ang lalaki raw ang nakalaan para sa kanya ayon sa isang hula, dahil sa “signs” na nakita niya mismo sa lalaki. Lalo na nang si Raymond pa ang kusang lumapit sa kanya at hiningan siya ng tulong. But here comes Jayden, ang antipatikong pamangkin ng kapitbahay at kaibigan ng kanyang tiyahin na laging nagpapainit ng ulo niya dahil sa mga pang-aasar nito. Lagi ring panira ng diskarte ang lalaki sa pagpapa-charming niya kay Raymond. Kaya naisipan niyang maghiganti kay Jayden. Isinali niya ang pangalan nito sa isang singing contest sa fiesta ng kanilang barangay. Pero laking gulat ni Clarie na talented pala ang binata sa pagkanta at pagtugtog ng gitara. Kaya sa halip na mapahiya, iyon pa ang simula ng pagsikat ni Jayden at maging heartthrob din ng bayan ng Manalansan! At hindi matanggap ni Clarie na pati yata siya ay nahuhumaling sa lakas ng dating ng binata…