The King's Wife

Vega woke up with some parts of her memory missing. And worse, those missing parts were essential to her safety. Sapagkat may mga hindi man siya maalala, batid niyang nanganganib ang buhay niya mula sa isang hindi niya matandaang kaaway. Maaari nga ba niyang pagkatiwalaan si Kingrand, ang lalaking nagpakilalang asawa raw niya? Malakas ang pakiramdam niyang galit ang nahuhuli niyang kislap sa mga mata nito at hindi pag-ibig tulad ng pilit nitong ipinapaniwala sa kanya. Pero hindi niya magawang ituring itong kaaway, lalo at ayaw sumang-ayon ng puso niya roon. Inuudyukan siya niyong pagtiwalaan si Kingrand. Alin ang mas dapat niyang protektahan? Ang puso niyang walang pag-aalinlangang umiibig dito sa kabila ng kawalan niya ng alaala, o ang buhay niyang maaaring nanganganib sa kamay ng lalaking iniibig?