Club Red 4 - Gabrael (Heart Of Crimson)

“Kahit na anong dikta ng utak ko na kalimutan ka, hindi pumayag ang puso ko.” Romance novelist si Victoria. Hindi niya alam kung paano tatapusin ang bagong assignment na ibinigay ng kanyang publisher—ang magsulat ng horror-romance story. Paano niya gagawin iyon kung matatakutin siya? Ni hindi niya maunawaan kung bakit at paano nauso ang romance stories na ang mga bida ay bampira. Kailan pa naging romantic ang ideya na kakagatin ka ng lalaking mahal mo at sisipsipin ang iyong dugo? Pero nang makilala ni Victoria ang tall, dark, handsome at ubod ng misteryosong lalaking umuupa sa first floor ng kanyang bahay, medyo naunawaan na niya kung bakit nahuhumaling sa vampire heroes ang kanyang mga kabaro. Not that she was saying Gabrael was a vampire. Imposible iyon. Kahit pa nga sabihing out of this world ang pang-akit na taglay ng lalaki: hindi niya ito nakikitang lumalabas sa umaga at tila napakalakas para kayaning buhatin mag-isa ang mabibigat na antigong muwebles sa kanyang bahay. Sa libro at pelikula lang totoo ang mga bampira… Hindi bampira si Gabrael… O hindi nga ba?