Miss Pogi

“Wala sa ikli ng panahon iyan. Kaya nga may love at first sight, eh. At kaya nga rin may kantang ‘Kapag Tumibok Ang Puso’ kasi wala ka nang magagawa kapag tumibok iyan. Hindi ka puwedeng mamili.” Madalas na mapagkamalang lalaki si Timmy dahil sa bihis at kilos niya. Wala naman sa kanya iyon. Hindi nakakaapekto sa kanya anuman ang sabihin ng tao sa kanya. Ang mahalaga ay kumportable at masaya siya sa kung ano siya. Ngunit nakilala niya si Evan at tila nagsitubuan ang mga hibla ng pagkababae sa pagkatao niya. Bigla-bigla ay nais na niyang magsuot ng bestida at rumampa nang naka-stilettos. Nais na niyang maging babae—para mapansin siya nito. Pero magtagumpay kaya siyang mapansin at makuha ang puso nito kung ang tingin nito sa kanya ay kalahi nina Aiza Seguerra at Ellen DeGeneres?