PHR03711 - The Lost Princes Trilogy 1: Somewhere, My Prince

“I don’t have any right to claim you Linneah… Sapat na ang namagitan sa atin para dalhin kong alaala… I’ll never forget you, princess.” Ano pa ang mahihiling ng isang prinsesa sa lalaking iibigin niya? His name? His riches? His fame? Pero wala sa mga iyon ang hinahanap niya. Dahil ang tanging nais ni Linneah ay ang pag-ibig ni Khalel Peregrine. Subalit hindi naniniwala ang binata sa sinabi niyang isa siyang kidnap victim na maharlika mula sa isang maliit na kaharian sa Europa. Ang akala pa nga nito ay baliw siya at balak nitong dalhin siya sa mental hospital. Sa inis niya rito, pinanindigan na niya ang maling akala nito sa kanya. Pero dagli rin namang pinagsisihan niya iyon nang mahinuha niyang hindi nito mabigyang-laya ang nadarama nitong atraksiyon sa kanya dala ng maling pagkakakilala sa kanya. Ang problema, lalong hindi siya maseseryoso nito kung matutuklasan nitong isa nga siyang tunay na maharlika. Dahil ano ang maaaring ibigay ng isang karaniwang mamamayan sa isang prinsesa?