PHR05936 - The Story Of Us (Juana Loves Damian)

One week before her wedding, nahuli ni Juana ang kanyang fiance na nagtataksil. Dahil brokenhearted siya, to the rescue ang kanyang loyal childhood best friend—si Damian. At para ma-save siya sa kahihiyan dahil sa hindi pagkakatuloy ng kasal ay nagprisinta pa si Damian na maging substitute groom. Tinanggihan iyon ni Juana, lalo na at alam niyang may girlfriend na ang kaibigan. Pero dahil sa mga ginawang sakripisyo ni Damian para maalalayan siya during that time, noon na-realize ni Juana na matagal na pala siyang in love sa kanyang best friend. Pero nang hilingin ni Damian na siya ang mag-ayos ng engagement party nito, ipinasya ni Juana na ilihim ang damdamin para sa kanyang best friend para hindi na masaktan. Until one day, laking gulat ni Juana nang kausapin siya ni Ylaine, ang girlfriend ni Damian. Sinabi ni Ylaine na umatras ito sa kasal. Siya raw kasi ang mahal ni Damian. Ayaw maniwala ni Juana. Dinamayan niya ang depressed na best friend patungo sa bahay nito sa Zambales. Pero nang magkasama sila sa iisang bubong at nahalikan ng binata, gustong umasa ni Juana na baka nga in love din ito sa kanya. Pero mukhang mabibigo uli siya nang marinig mismo si Damian na sinabihan pa rin ng "I love you" si Ylaine.