PPS00058 - Miss Lie Detector

I can tell when people are lying. I can hear the truth in my mind when I touch their hand. Gaya ng isang lie detector machine, nakakaramdam ako ng munting boltahe ng kuryente sa tuwing nagsisinungaling sa *kin ang isang tao. Sanay na *ko sa kakaiba kong mundo... ... hanggang sa nakilala ko siya. Ang nag-iisang tao na hindi ko maramdaman kung nagsisinungaling ba o hindi. Sigurado si Riri na nagsisinungaling ang kaharap na lalaki, kaya bakit wala siyang maramdamang kuryente? "Ikaw ba ang nag-vandalize sa kotse ko?" Binigyan siya ng lalaki ng iritadong tingin. "Makulit ka ba talaga o nagpapa-cute ka lang? Sinabi na ngang hindi ako ang gumawa n'on." Wala pa ring naramdaman si Riri. Hinawakan na niya ang kamay ng lalaki. "Ikaw ba ang nag-vandalize sa kotse ko?" Yumuko ang lalaki para magpantay ang eye level nila. "Miss, bibitawan mo ba 'ko o kakasuhan na kita ng sexual harassment?"