PHR03799 - Aseron Weddings: As Long As You Love Me

“Pretty, ugly, wicked, or nice, you’re mine… Hindi ko kailangan ng iba pa.” Nasa panganib ang buhay ni Shebbah kaya ipinadala siya ng kanyang ama sa malayong lugar kasama si Ravin Aseron. Isang dating sundalo si Ravin na pinakiusapan ng kanyang ama na magbantay sa kanya. Hate at first sight—iyon ang nangyari sa kanila ng binata. Parehong kumukulo ang dugo nila sa isa’t isa. Pero sa kabila ng mga iringan nila, hindi niya naiwasang hangaan ito. Sa kabila kasi ng pagiging masungit sa kanya, matatawag na tunay na hero si Ravin sa totoong buhay. Behind his tough guy persona, his heart was as noble and as gallant as a knight. Hanggang sa tuluyang nahulog ang loob ni Shebbah sa lalaki. Ang problema, ang mga hero na tulad nito ay naa-attract sa mga damsel in distress at hindi siya ganoong tipo ng babae. Ang tingin nga yata ni Ravin kay Shebbah ay wicked witch sa halip na prinsesa. Hay, paano ba niya mapapalambot ang puso nito sa kanya?