BLSG00015 - Blush Series 15: Charmed

Hindi pa siya nahalikan kahit minsan pero ang mga labi nito, parang pamilyar na sa kanya. Tinugon niya ang halik nito na parang matagal na niyang ginagawa iyon… Tindera sa palengke si Gellie pero suki siya ng mga beauty pageant. Sa katunayan, siya ang piniling kinatawan ng mga kababayan niya para sa Mutya ng Lagrimas. Biniyayaan daw kasi siya ng kakaibang ganda at karisma. Sigurado raw na siya na ang kokoronahan. Pagkatapos ng pageant ay may natuklasan si Gellie. Liligawan at gagamitin siya ni Matty, ang bise-alkalde nila na nasa balag ng alanganin ang political career. Naniniwala raw ang kampo nito na kapag napaibig siya ng bise-alkalde ay muling babango ang pangalan nito. Kaya nakipagsabwatan si Gellie sa isang nagmamalasakit sa bayan para pabagsakin si Matty nang hindi na ito makapaghasik ng lagim. Puno ng determinasyon at armado ng lakas ng loob, pinasok niya ang balwarte ng bise-alkalde. Pero hindi pala siya handa. Titig pa lang ni Matty ay nanlambot na ang mga tuhod niya. At nang ngumiti ito, tuluyan nang nalusaw ang kanyang puso. Paano na ang bayan?