The Cursed Bride Series 4 - My Second Option Groom - CBS00004

“Destiny has a habit of coming back.” Dahil sa katarayan, naisumpa si Rafi kasama ang lima pang kaibigan. Ang tanging solusyon para mawala ang sumpa ay ang makasal sila bago sumapit ang phenomenal Super Moon. Sa sobrang pagkadesperada, pati online dating site ay pinatos na ni Rafi. Pero lahat ng effort niya, laging epic fail. Sa isa sa mga misadventure ni Rafi, na-meet niya si Paeng, isang simpleng lalaki na nagtatrabaho sa isang café. Oo, hindi mayaman si Paeng bukod pa sa hindi kagandahan ang pangalan, pero single naman at guwapo. Kaya naisip ni Rafi na gawin itong potential husband. Ang kaso, tinanggihan nito ang alok niya, not just once but twice! Pati ang half a million pesos na offer niya, no deal ang sagot ni Paeng. Mas naging pursigido tuloy si Rafi na makuha ang kooperasyon ng lalaki. Pero problem solved naman pala dahil nalaman niya na matagal na siyang ipinagkasundong ipakasal ng mga magulang. Hindi na niya kailangan ang tulong ng pakipot na si Paeng. Pero may panibagong sumulpot na problema: sa isang apat na M— Matandang Mayamang Madaling Mamatay—pala siya ikakasal! Kaya um-exit si Rafi sa kanilang mansiyon. Nagkita uli sila ni Paeng at tinulungan siya nito. Mukhang si Paeng na talaga ang ibinigay ng tadhana at umasa siyang sila hanggang sa huli. Pero may nadiskubre si Rafi na sumira sa inaakala niyang happy ending. Paano na siya?