Change of Heart - PHRGR094

“Ang paghihintay ang pinakamatapang na magagawa mo para ipaglaban ang feelings mo.” Sigurado si Jinny na namatay siya nang iligtas ang kalaban ni Lucho na malapit sa kanya. Lalo siyang nagulat nang ma-realize na isa na rin siyang Bloodkeeper—may heightened senses, superhuman strength, at cravings para sa dugo… at kay Lucho. Oo, nagising si Jinny na may matindi nang feelings para sa Bloodkeeper na bumuhay sa kanya. Ayon kay Lucho, naging “mate” daw siya nito nang inumin niya ang dugo nito. Malaking problema iyon dahil may ibang babaeng nambu-bully kay Jinny at kine-claim na ito ang deserving na maging bride ni Lucho. Gusto sanang problemahin ni Jinny ang love life niya pero ipinapaalala ng mga bampirang humahabol sa kanya na hindi siya ordinaryong mortal. Isa na siyang Mortal Vessel na susi para muling magising ang natutulog na mga purong bampira. Iyon pala ang dahilan kung bakit siya kailangan ng mga kalaban. Akala ni Jinny ay poprotektahan siya ni Lucho gaya noon, pero nagkamali siya. Hinayaan siya nitong makuha ng masamang bampira para iligtas ang ibang babae… Fine, I’ll just save myself.