Sa Gitna Ng Ulan

“Ang pag-ibig kapag pinigilan lalong lumalago, lalong tumitindi. At bago mo pa malaman, sobrang tinamaan ka na.” Twenty-six na si May, flight attendant at maganda. Pero hindi niya maintindihan kung bakit wala pa rin siyang boyfriend. Nagkaroon naman siya ng karelasyon noon, isang piloto pa nga, pero hindi sila nagtagal sa dahilan na pinakaayaw niya—ang may kahati. Hindi naman tamang lokohin siya, `di ba? Hindi naman dapat niloloko ng mga lalaki ang kahit sinong babae. Kaya maghahanap siya ng matino. Pero paano siya makakahanap kung panay ang bakod ng kababata niyang mukhang kulugo na si Denver? Palagi siya nitong iniinsulto. Kahit itaboy niya ito ay ayaw lumayo ng lalaki... Hanggang sa magkaroon na ng kulay ang mga pangungulit ni Denver. Maging ang utak niya ay nagulo na rin. Hindi iyon puwede kay May. Hindi siya puwedeng magkagusto sa kababatang si Denver. Bakit? Hello naman! Ex-boyfriend kaya iyon ng BFF niya!