Miracle - PPS00122

“I don’t care how dangerous our world is as long as I get to be with you in this lifetime. That’s the kind of life I want.” Ruins is a Death Reaper in training. Assistant siya ng mentor na si Parasol na isang full-fledged Death Reaper. Pangarap niyang sumundo ng mga kaluluwang oras nang bumalik sa Plane. Pero nasira iyon nang may nakita siyang picture ng isang female mortal na may “constellation” sa pisngi. Ang sunod na namalayan ni Ruins, nagising na siya sa katawan ng isang Guardian na tinatawag na “Lord Ruins.” Siya raw ang Weinstein Clan Head ng Fourth Order. Ayon pa sa mga “kapatid” niya, siya rin daw ang fiancé ni “Miju”—ang “De Luca Princess” na kaalyado raw ng kanilang angkan. Si Miju `yong babaeng may “constellation” sa mukha na dahilan kung bakit “nagising” si Ruins. Harmless ang babae dahil bukod sa mahina, mabait din ito at napaka-empathetic pa. Dahil doon, naging magaan agad ang loob niya sa kanyang “fiancée.” Kaya nang dumating si Parasol para sunduin siya, hindi na niya maiwan si Miju. Bigla-bigla kasi, mas mahalaga na sa kanya ang babaeng mortal kaysa sa pangarap niyang maging Death Reaper. But Parasol is having none of that and the next thing Ruins knows, Miju is already in danger.