Under Pleasure - PHR06329

“Hindi ba, gusto mo ako? And I like you, too. Gustong-gusto kita… Now tell me, paano maging tayo?” Libre ang mangarap. Sa pangarap, puwede mong gawin ang lahat ng gusto mo. Kunin ang mga bagay na imposible at lahat ay puwedeng maging sa `yo… Marami akong pinangarap pero sa lahat ng mga pinangarap ko, ang imposible pa ang pinakagusto ko—si Jacob Seth Vergara Delaney, ang boss ko. Paano ako mangangarap ng iba kung isang tingin pa lang ni Jacob, nawawalan na ng halaga ang iba? Pero para kaming pinagtagpo, period. Hanggang doon na lang at wala nang kasunod pa. I’m just his maid pero bago `yon, naging malapit din naman kami. Aso’t pusa nga lang. Siya kasi itong lalaking masungit, may-pagka-mysterious, pero nag-uumapaw naman sa kaguwapuhan! Sino ba naman ang hindi mahuhumaling sa kanya? Kaya ngayon, pati ang puso ko ay nasa kanya na rin. May tiyansa nga kayang magbago ang mundo at matupad ang mga kahilingan ko? O mananatili na lang siyang pangarap at habang-buhay ko na lang siyang pagsisilbihan?