PHC00036 - ALAALA NG PANGAKO

Sa isla kapwa lumaki at nagkaisip sina Daniella at Ramon. Doon din sumibol ang pag-ibig na inalagaan nila nang napakatagal na panahon. Isang wagas na pagmamahalan na naging inspirasyon nila sa pagbuo ng mga pangarap at mithiin nila sa buhay. Ngunit sadyang mapaglaro ang tadhana. Pinaglayo sila ng panahon. Winasak ng unos ang kanilang mga puso, pilit inaanod pati ang kanilang kaluluwa. At ngayon, makalipas ang maraming taon, ay sinasariwa na lamang ni Daniella ang nakaraan. Sapagkat doon na lang niya maaaring ibalik ang lahat… ang magagandang alaalang iyon. Nakatira na nga sila ni Ramon sa iisang bubong ngunit ibang-iba na ito—malamig… malayo sa kanya.