Dadalhin Kita Sa Aking Palasyo

“Ikaw, ako, kapiling ang ating magiging mga anak, iyon ang kahulugan ng totoong palasyo para sa akin. At naniniwala na akong may kakayahan akong buuin ang palasyong iyon basta kasama kita.” “Masyadong malaki ang yate. Baka `pag isinakay kita roon, bigla ka na lang mawala sa paningin ko. Pero sa balsa… kahit saang dako ako tumingin, makikita kita. Dahil tuwing nakikita kita, may mga pangarap na unti-unting nabubuo sa isip ko. Mga pangarap kung saan ay kasama kita.” Subalit hindi pala totoong kasama ni Diyosa sa iisang mundo si Mendrei, ang lalaking nagsabi ng mga salitang iyon. Kumbaga sa sasakyang-pandagat, siya ang balsa, ito ay isang higanteng yate…